انقرہ۔ 11جون (اے پی پی) ترک صدر رجب طیب اردوان ترک ہلا ل احمر نا 149می سال دے نا وخت آ ترک ہلال احمر نا صدر کرم کینک ئِ تہنیتی کلہو اس گدریفینے۔ درملکی خبر رساں ادارہ نا رداٹ اردوان تینا کلہو اٹی پارینے کہ دا ادارہ نئے بیرہ ترکی بلکن مچ آ دنیا ٹی ضرورت مند آتے امداد فراوان کرسا اومیت نا روشنائی نا حیثیت اس دوئی کرینے۔ اوپارے کہ ترک ہلال احمر گچین و ہمدردانہ سرجزآتا سوب ترکی نا پن ئِ فخر اٹ بڑز کننگ ئِ۔ صدر پارے کہ خیرات تروک آ خواجہ غاتا کنڈآن ترک ہلال احمر ئِ تروک آ کمک و امداد بے کچ اہمیت تخک۔
