اسلام آباد۔ 10جون (اے پی پی) بنجائی وزیر امور کشمیر و گلگت بلتستان چوہدری محمد برجیس طاہر پارینے کہ ساڑی حکومت الس ئِ زند انا بنداوی آسراتی تا فراوانی کن غٹ تر وسیلہ غاتے کاریم اٹ اتنگ ئِ۔ او ہفتہ نا دے ضلع شیخوپورہ نا تحصیل صفدر آباد اٹی روچہ مبارک نا بابر انگا تُو انا وخت آ الس کن اڈ تروک روچہ بازار نا دورہ نا وخت آ میڈیانا نمائندہ غاتون ہیت وگپ کرسا پارے۔ بنجائی وزیر حکومت پنجاب نا کنڈآن اڈ تروک روچہ بازار اٹی دوبروک آ گڑا، میوہ و سوزی تا کوالٹی آ است جمی نا درشانی ئِ کرساپارے کہ حکومت پنجاپ داسال روچہ مبارک نا برکت انگا تُو اٹی الس ئِ ہڑزان و معیاری کنوئی آ گڑاتیا 9 ارب روپئی نا ریکارڈ سبسڈی فراوان کننگ انگ ئِ۔
