پاک فوج ئِ ملک ئِ مون تروک دفاعی و سلامتی نا بابت چیلنج آتیان جوانی اٹ سمائِ
راولپنڈی۔ 10 جون (اے پی پی) چیف آف آرمی اسٹاف جنرل قمر جاوید باجوہ پارینے کہ پاک فوج ملک ئِ مون تروک دفاعی و سلامتی نا بابت چیلنج آتیان جوانی اٹ سمائِ، پاکستان حق خودارادیت کن کشمیری تا جہد نا مخ تفی ئِ برجاتخک، پاک فوج انا ورناتا آپریشنل تیاریک مثالی و حوصلہ غاک بڑزئُ۔ آئی ایس پی آر نا کنڈآن جاری پریس ریلیز نا رداٹ آرمی چیف جنرل قمر جاوید باجوہ ہفتہ نا دے مظفرآباد سیکٹر اٹی ایل او سی نا دورہ ئِ کرے۔ داوخت آ آرمی چیف ئِ ہندی کمانڈر نا کنڈآن آپریشنل حالیت آتیا بریفنگ تننگا۔ بھارت نا کنڈآن ایل او سی آ سیز فائر نا خلاف ورزی و پاک فوج انا کنڈآن ورندی کارروائی آن ہم معلومدار کننگا۔ داوخت آ اودے ایف ڈبلیو او نا شونداری کاریم تا بارواٹی ہم بریفنگ تننگا۔ داوخت آ آرمی چیف آفیسر و ورناتتون ہیت وگپ کرسا پارے کہ لین آف کنٹرول آ بھارتی خلاف ورزی تا پبی ورندی ئِ تننگک، پاک فوج قومی مفاد نا ڈٹ آتیٹی تینا کڑد ئِ ادا کرسا کیک، اوبھارتی بیدادی نا برخلاف کشمیری تا حوصلہ و عزم انا ستائِ کرساپارے کہ پاکستان حق خودارادیت کن کشمیری تا جہد نا مخ تفی ئِ برجاتخک۔ اوپارے کہ پاک فوج انا ورناتا آپریشنل تیاریک مثالی و حوصلہ غاک بڑزئُ۔ پاک فوج انا ورناتے تروک آ مشن ئِ پورو کننگ کن تیار ئُ۔ پاک فوج ہر محاذ آ خلیس آتے شکست تننگ نا پبی لائخی تخک۔
