وزیراعظم محمد نواز شریف نا پرامن، سوگوو شونہال اوغانستا ن کن پاکستانی عزم انا اعادہ
آستانہ۔ 10 جون (اے پی پی) وزیراعظم محمد نواز شریف قزاخستان نا دارالحکومت آستانہ ٹی اقتصادی کمکار تنظیم نا سروکی دیوان نا وخت آ روس انا صدر ولادی میر پیوٹن تون ہڑتوم آ کنڈآتیا اوڑدہی کرے۔ اوڑدہی ٹی ہڑتوم آ راہشونک پاکستان و روس انا نیام اٹ ہڑتوم آ کنڈآتا تعلقداری تا سرجم جاچ ئِ ہلکر و دا تعلقداری تے مون نا مرحلہ اسکان دننگ نا تینا عزم انا اعادہ ئِ کریر۔ ہڑتوم آ راہشونک داہیت آن اتفاق کریر کہ روس و پاکستان نا نیام اٹ تعلقداریک مون آ ہِننگ ئُ و بڑزکو کہول انا رابطہ و سیاسی خیر سگالی دا تعلقداری تے اسہ اہم ئُ و گچین اقتصادی شریداری ٹی بدل کننگ کن اسٹیج اس فراوان کرینے۔ ہڑتوم آ راہشونک پاریر کہ داوخت پاکستان و روس انا نیام اٹ تعلقداریک تین پہ تینی پت، اسیجائی مفادات و اہم ویل کون آ علاقائی سلامتی، دہشت گردی نا برخلاف جنگ ، انسداد منشیات و گچین اقتصادی کمک کون آ معاملہ غاتیا گچین ہم آہنگی و اسہ وڑموقف آ ٹی ئُ۔ ہڑتوم آ ملک آک تعلیم و دودوربیدہ بشخ آتیٹی تعلقداری تے مون آ دننگ کن کاریم کننگ ئُ۔ اوڑدہی ٹی ہڑتوم آ ملک آک پاک روس بین الحکومتی کمیشن واپار، اقتصادیات، سائنسی و تکنیکی کمکاری نا دسمبر اٹی ماسکوٹی مروک آ دیوان کن ٹھوس سلاہ مرتب کننگ آ اتفاق کریر۔
