وزیراعظم محمد نواز شریف نا آستانہ ٹی جہانی نمائش ایکسپو2017ءٹی پاکستانی اسٹال نا دورہ

آستانہ۔ 10جون (اے پی پی) وزیراعظم محمد نواز شریف ہفتہ نا دے قزاخستان نا دارالحکومت آستانہ ٹی اڈ ہلوک آ جہانی نمائش ایکسپو2017ٹی اڈ ہلوک پاکستانی اسٹال نا دورہ ئِ کرے۔ وزیراعظم پاکستانی اسٹال اٹی تخوک آ گڑا تیٹی بھاز است خواہی نا درشانی ئِ کرے۔ وزیراعظم ئِ آرٹس انا روایتی گڑا و تہوو بجلی آن چلینگوک آ گڑاتابارواٹی بریفنگ تننگا۔ وزیراعظم محمد نواز شریف بیلاروس انا اسٹال نا ہم دورہ ئِ کرے ہراڑے اودے بڑزکو کمامدارآتا کنڈآن بریفنگ تننگا۔ وزیراعظم نا سلاہکار امور خارجہ سرتاج عزیز ، وزیر واپار خرم دستگیر خان و وزیر مملکت پٹرولیم جام کمال ہم وزیراعظم تون اوار ئسر۔ یات سلے کہ ایکسپو2017ءہفتہ آ بناءکرے و دا 10 ستمبر اسکان برجاہ سلک۔ دا نمائش اٹی متبادل توانائی نا ذرائع، چاگڑد دوست ٹیکنالوجی و ایکو سسٹم ئِ رکھ جوڑ کننگ نا بابت گڑاوٹیکنالوجی نا نمائش کننگ انگ ئِ۔ دا نمائش اٹی 115ملک و 22جہانی ادارہ بشخ ہلنگ ئُ۔