آستانہ۔ 10جون (اے پی پی) وزیراعظم محمد نواز شریف قزاخستان نا اِرادے ئی دورہ نا ایسری آ ہفتہ نادے پاکستان آ رادہ مس۔ قزاخستان اٹی تینا اڈکننگ نا وخت آوزیراعظم شنگھائی کمکار تنظیم نا سٹیٹ قونصل نا سروک آتا 17می دیوان اٹی بشخ ہلک۔ دا دیوان اٹی پاکستان ئِ تنظیم نا پورو رکنیت تننگا ۔ پاکستان 2005ءآن تنظیم نا مبصر ملک اناوڑاٹ کاریم کریکہ و 2010ءٹی پاکستان تنظیم نا پورو رکنیت کن درخواست دائر کریسس۔ سروکی دیوان نا سائیڈ لائن آ وزیراعظم قزاخستان ، ازبکستان ، اوغانستان و روس انا صدر آتون ہڑتوم آ کنڈآتیا اوڑدہی کرے۔ وزیراعظم دا لیڈرآتون تین پہ تینی است خواہی نا معاملہ ، ہڑتوم آ کنڈآتا تعلقداری تے سوگو جوڑ کننگ وڈیہہ ٹی امن و شونہالی نا مون آ دننگ کن چندی وڑوڈول آتیا خیال آتا درشانی ئِ کرے۔ وزیراعظم تون اقوام متحدہ نا سیکرٹری جنرل ہم اوڑدہی کرے۔ وزیراعظم ایلوسروک مملک آتون اوار آستانہ ٹی ایکسپو 2017ءنا بنائی دود اٹی ہم شرکت کرے۔ وزیراعظم نا سلاہکار خارجہ سرتاج عزیز، وزیر واپار خرم دستگیر خان و وزیر مملکت پٹرولیم جام کمال ہم اوڑتون اوار ئسر۔
