نیویارک۔ 10 جون (اے پی پی) پاکستان مچ آ دنیا نا ہمو سمندر آتا حالیت ئِ گچین جوڑ کننگ اٹی فعال کڑدادا کننگ نا عزم انا درشانی ئِ کرینے ہراکہ غیر زمہ دارانہ انسانی سرجزآتا سوب باعث انحطاط پذیر ئُ۔ اقوام متحدہ ٹی پاکستان نا آخبتی سفیر ملیحہ لودھی نیویارک اٹی سمندر آتابارواٹی بڑزکو کہولی کانفرنس اٹی پارے کہ نن سمندر آتے گچین و جان جوڑ جوڑ کننگ نا پکا عزم و تہیہ کرینن۔ انتئے کہ سمندر انسانیت نا اجتماعی میرات مریرہ ولے دا اہم انگا وسیلہ ناگفتہ بہ حالیت اٹی و خلیس آتیان دوچارئُ۔ میرین آلودگی، تیزابیت و قدرتی وسیلہ غاتا بے دریغ کاریم اٹ اتنگ آن ننے زند تروک آ دیر ئِ بھاز نسخان رسینگ انگ ئِ و مچ آ دنیا ئِ سمندری آلودگی ئِ توننگ کن یکجا اواری اٹ اجتماعی وڑاٹ کاریم کننگ نا گرج ئِ۔ مچ آ ہفتہ برجاسلوک آ دا کانفرنس اٹی کم و ود 6 ہزار مندوبین بشخ ہلکر و 14ٹکی لائحہ عمل نا متفقہ منظوری اتون اوار ہی دا کانفرنس چٹا۔ سمندرآتا حالیت زار اٹی گچینی اتنگ نا بارواٹی مروک آ کانفرنس اٹی سروک مملکت و حکومت آتا سروک و اوفتا سینئر نمائندہ غاک شرکت کریر۔
