اسلام آباد۔ 10 جون (اے پی پی) محکمہ موسمیات نا رداٹ بروک آ 24گھنٹہ ٹی ملک انا گیشتر علاقہ غاتیٹی موسم باسن و پِرکپک ولے مالاکنڈ، ہزارہ، پشاور، بنوں، کوہاٹ، ڈی آئی خان، راولپنڈی، گوجرانوالہ، سرگودھا، لاہور، فیصل آباد، ملتان ڈویژن، فاٹا، اسلام آباد، گلگت بلتستان و کشمیر اٹی گڑاس ہند آتیا ترند تہو و ہورہ و گروک تون پِر انا گمان ئِ ۔ گدرینگوک آ 24گھنٹہ ٹی کشمیر، اسلام آباد، راولپنڈی، لاہور، گوجرانوالہ ڈویژن اٹی جاگہ جاگہ وخت اس کہ سرگودھا، ملتان، بہاولپور، ہزارہ ڈویژن و بدین اٹی گڑاس ہند آتیا ترند تہو و ہورہ و گروک تون پِرمس۔
