واشنگٹن۔ 09جون (اے پی پی) امریکہ ٹی پاکستان نا سفیر اعزاز چوہدری امریکی کانگریس نا نیو یارک آن زالبول باسک نیتا لووے تون اوڑدہی کرینے و اوڑآن اقتصادی ، راجی و سیکورٹی معاملہ غاتا بارواٹی خیال آتا درشانی ئِ کرے۔ پاکستانی سفیر اعزاز چوہدری باسک کانود ساز ئِ دہشت گردی نا چٹفنگ کن پاکستان نا کنڈآن کروک آ کوشست آتا بارواٹی پارے و پارے کہ پاکستان گدرینگوک آ مسہ سال اٹی سیکورٹی نا حالیت آتیٹی گچینی نا بابت بھلو پیش رفت اس کرینے و دا پیش رفت نظرہم بننگ ئِ۔ اوپارے کہ اوغانستان تون بارڈر مینجمنٹ دہشت گردی ئِ شکست تننگ اٹی پاکستان ئِ دوئی مروک آ سرسہبی تے برقرار تخنگ کن بھاز اہم ئُ۔ سفیر اعزاز چوہدری امریکی کانگریس نا زالبول باسک نیتا لووے ئِ بنجاءنا زیر انتظام قبائلی علاقہ ٹی جاری جوڑجاڑی کاریم تا بارواٹی ہم پارے و پارے کہ حکومت قبائلی علاقہ غاتیٹی اسکولز و جان جوڑی نا آسراتی تا بنجاءاس اڈ تننگ ئِ ہراڑآن ہموجاگہ نا لس بندغ ئِ ہم فائدہ رسینگک۔
