اسلام آباد۔ 09 جون (اے پی پی) وزارت ڈٹ بندی و شونداری سرکاری بشخ انا شونداری پروگرام تیٹی فنانس ڈویژن نا شونداری ڈٹ آتے کن جم وڑاٹ داوخت اسکان 5 ارب 99 کروڑ 30 لکھ روپئی آن زیات نا فنڈ جاری کرینے۔ حکومت فنانس ڈویژن نا شونداری کاریم تے کن 10 ارب روپئی نا فنڈ جتا کرینے۔ پلاننگ کمیشن نا کنڈآن جاری کروک حساب وکتاب نا رداٹ حکومت چین پاکستان اقتصادی راہداری ڈٹ اکن گوادر اٹی کنوئی آ صاف دیر اکن 35کروڑ، سی ڈی این ایس پروجیکٹ کن 23کروڑ، کیڈٹ کالج خاران کن 25کروڑ، گوادر ڈویلپمنٹ اتھارٹی کن 70 کروڑ، این 70 ٹو این 55روڈ بلوچستان ئِ ملفنگ کن 25کروڑ، گریٹر کراچی سیوریج پلان کن 70 کروڑ، گریٹر کراچی واٹر سپلائی اسکیم کن اسہ ارب، نواب شاہ اٹی 300 کٹ آتیا تالان ہسپتال کن 16کروڑ، چلڈرن ہسپتال پشاور کن 40 کروڑ، ساہیوال ٹو سلانوالی روڈ انا بحالی کن 10 کروڑ ، سیالکوٹ اٹی شونداری کاریم تے کن 30 کروڑ، این اے 144 اوکاڑہ ٹی روڈ انا جوڑ جاڑ کن 19 کروڑ روپئی تون اوار چندی شونداری ڈٹ آتے کن فنڈ جاری کرینے۔
