اسلام آباد۔ 09 جون (اے پی پی) وزارت ڈٹ بندی و شونداری سرکاری بشخ انا شونداری پروگرام تیٹی ہائر ایجوکیشن کمیشن نا شونداری ڈٹ آتے کن جم وڑاٹ داوخت اسکان 20 ارب 27 کروڑ 98 لکھ روپئی آن زیات نا فنڈ جاری کرینے۔ حکومت ہائیر ایجوکیشن کمیشن نا شونداری کاریم تے کن 21ارب 49کروڑ روپئی نا فنڈ جتا کرینے۔ پلاننگ کمیشن نا کنڈآن جاری کروک حساب وکتاب نارداٹ حکومت این ای ڈی یونیورسٹی کراچی ٹی نیو انجینئرنگ پروگرام کن 20 کروڑ، یونیورسٹی آف دیر شرینگل اٹی شونداری کاریم تے کن 10 کروڑ، کشاری یونیورسٹی فیصل آباد اٹی آئی ٹی و لائبریری کن 50 کروڑ، فاٹا یونیورسٹی نا اڈتننگ کن 25کروڑ، کامسیٹس انسٹیٹیوٹ انفارمیشن ٹیکنالوجی ایبٹ آباد کیمپس اکن 39 کروڑ، یونیورسٹی آف تربت نا اڈ تننگ کن 50 کروڑ ، وومن یونیورسٹی ملتان کن 7 کروڑ، یونیورسٹی آف انجینئرنگ اینڈ ٹیکنالوجی پشاور جلوزئی کیمپس اکن 45کروڑ، اوورسیز سکالر شپ اکن 60 کروڑ تون اوار چندی شونداری ڈٹ آتے کن فنڈ جاری کرینے۔
