اسلام آباد۔ 07جون (اے پی پی) چیئرمین سینیٹ میاں رضا ربانی پارینے کہ ایوان بالا یونیورسٹی تا وت واجہی آ قطعاََ اثرانداز مفک۔ ہیت و گپ اٹ قائد اعظم یونیورسٹی نا معاملہ نا ایسری ئِ کشنگ مریک تو کشنگے۔ چارشنبے نا دے ایوان بالا ٹی سینیٹر سسی و میر کبیر نا چکار ترفوک نوٹس آ وزیر مملکت بنجائی تعلیم و کسبی تربیت نا ورندی آن پد ریمارکس ترسا چیئرمین پارے کہ نن سینیٹر مشاہداللہ خان آن ہم خواست کینہ کہ او یونیورسٹی سینڈیکیٹ نا باسک مننگ نا ناطہ تینا کڑد ئِ ادا کے۔ مشال خان نا واقعہ ٹی ہم نن خنان کہ یونیورسٹی ٹی پولیس توساڑی ئسک ولے او بیدادی ئِ توننگ کن ہچ ئُ کڑد اس ادا کتو۔ اوپارے کہ ہیت وگپ اٹ معاملہ نا ایسری اس کشنگ مریک تو کشنگے، انتئے کہ چناتا آخبت نا سوج ئِ ۔
