تیل و گیس پٹوک آ اسہ کمپنی اس ہم تینا مرضی اٹ کمرشل بنداو تیا گیس ئِ بہاءکننگ کپک
اسلام آباد۔ 07جون (اے پی پی) وزیر مملکت پٹرولیم و قدرتی وسیلہ جام کمال خان پارینے کہ تیل و گیس پٹوک آ اسہ کمپنی اس ہم تینا مرضی اٹ کمرشل بنداو تیا گیس ئِ بہاءکننگ کپک۔ چارشنبے نا دے ایوان بالا ٹی سینیٹر طاہر حسین مشہدی نا چکار ترفوک نوٹس نا ورندی ٹی اوپارے کہ چندی وخت آتیٹی چندی حکومت آک تیل وگیس انا پٹنگ نا بابت پالیسی تا پڑو ئِ کرسا کرینوہرافتے ٹی ہر پالیسی نا رداٹ دا کمپنی تے جتا آسراتی تننگاکہ۔ اوپارے کہ پبلک اکاﺅنٹس کمیٹی ہم چندی آڈٹ پیراز نا جاچ ئِ ہلنگ ئِ و دابابت ایف آئی اے ہم جاست وپاست کننگ ئِ۔ اسہ کمپنی اس ہم پالیسی نارداٹ ہی کمرشل بنداو تیا گیس بہاءکننگ کیک۔ داکان بیدس چندی کوڑی تیان پیش تموک آ خام تیل ہم مجاز ریفائنری تے ہی بہاءکننگ مریک وخت اس کہ کمپنیک راجی زمہ واری تا رداٹ پیسہ غاتے خڑچ کننگ و رائلٹی نا زر ئِ ہم تننگ نا پابند ئِ۔
(ع۔نس۔م۔ح)
