اسلام آباد۔ 07جون (اے پی پی) بنجائی وزیر پارلیمانی امور شیخ آفتاب احمد پارینے کہ وزیراعظم محمد نواز شریف توانائی نا ڈٹ آتے تخوک آ وخت اٹی پورو کننگ نا پارت کرینے۔ ریڈیو پاکستان تون ہیت وگپ کرسا اوپارے کہ 2013ءٹی مسلم لیگ (ن) نا حکومت نا برسراقتدار بننگ نا وخت آ ملک ئِ توانائی تنکی تون اوار چندی چیلنج آتا مون تروکی ئس۔ اوپارے کہ وزیراعظم ملک ئِ توانائی …
وزیراعظم ملک ئِ توانائی تنکی آن کشنگ کن پرعزم ئِ، شیخ آفتاب
گیشتریں ھال
اسلام آباد۔ 07جون (اے پی پی) بنجائی وزیر پارلیمانی امور شیخ آفتاب احمد پارینے کہ وزیراعظم محمد نواز شریف توانائی نا ڈٹ آتے تخوک آ وخت اٹی پورو کننگ نا پارت کرینے۔ ریڈیو پاکستان تون ہیت وگپ کرسا اوپارے کہ 2013ءٹی مسلم لیگ (ن) نا حکومت نا برسراقتدار بننگ نا وخت آ ملک ئِ توانائی تنکی تون اوار چندی چیلنج آتا مون تروکی ئس۔ اوپارے کہ وزیراعظم ملک ئِ توانائی تنکی آن کشنگ کن پرعزم ئِ و مسلم لیگ(ن) چار سالہ دور اقتدار اٹی توانائی نا ہائیڈل، سولر ، تھرمل و کول ڈٹ آتا بنائِ کرے۔ شیخ آفتاب احمد پارے کہ وزیراعظم ہندا ڈٹ آتیٹی جندی است خواہی ہلنگ ئِ و اوپارت کرینے کہ توانائی ڈٹ آتے تخوک آ وخت انا تہٹی پورو کننگے۔ اوپارے کہ وزیراعظم پکا عزم راہشون ئِ و او توانائی نا تنکی نا مون ئِ توننگ اٹی سرسہب مریک۔ بنجائی وزیر اومیت نادرشانی ئِ کرسا پارے کہ ساڑی حکومت برو ک آ سال اسکان لوڈ شیڈنگ نا پورو چٹفنگ اٹی سرسہب مریک۔
