توان ئِ لوٹ ئُُ رسگ ئِ ھوالگ ئَ جوانیں منصوبگ بندی کارمرد کنگ بہ بیت، مزن وزیر محمد نواز شریف

اسلام آباد ۔ 6 جون (اے پی پی) مزن وزیرمحمد نواز شریف ئَ اے گپ ئِ سر ئَ زور پر دات کہ توان ئِ لوٹ آنی بابت ئَ جوانیں منصوبگ بندی کارمرد کنگ بہ بیت۔ھاٹیگ ئِ بابت ئَ کابینہ کمیٹی ئِ ئَ رمضان المبارک ئِ ماھ ئِ ساھت ئَ دیمروئی کار آنی بنیات ئِ پد ئَ توان ئِ بند کنگ ئِ ہدایت کنان ئَ ایل این جی ئِ سر ئَ 1200میگاواٹ ئِ نوکیں توان گس ئِ برجا ئِ منظوری داتگ۔ کابینہ ئِ ھاٹیگ کمیٹی ئِ دیوان سئے شمبے ئَ مزن وزیر محمد نواز شریف ئِ سروکی ئَ برجم دارگ بوت۔ ایشی ئِ تہ ئَ سیکرٹری آپ ئُُ توان ئَ کمیٹی ئِ گوستگیں گامگیج آنی بابت ئَ سرپد کُت ایشی ئِ تہ ئَ ھزانگ ، آپ ئُُ توان ئُُ پٹرولیم ئُُ ھُدائی مڈی ئِ وزارت آنی بین الوزارتی کمیٹی ئِ کار، ستمبر 2018ئَ تاں توان ئِ لوٹ ئُُ رسگ ئِ چار ئُُ بچار ئُُ بندیں توان گس آنی کارمردی ھوار اَنت۔ اے موہ ئِ سر ئَ مزن وزیر ئَ گوشت کہ اے گپ اپسوزی اِنت کہ سیادی داروکیں دپتر آناں ہدایت کت کہ الکاپ ئُ ھورتی ئَ کار کنگ بہ بیت۔ اے ساھت ئَ ھاٹیگ ئِ بابت ئَ کابینہ کمیٹی ئِ یکجائی رنگ ئَ رمضان المبارک ئِ ساھت ئَ دیمروئی کار آنی بابت ئَ توان ئِ بندش کنگ مہ بیت۔ اے گپ ئِ ھم پیسلہ کنگ بوت کہ اقتصادی وشھالی ئُُ توان ئِ کارمرد کنوک آنی چار ئُُ بچار کنگ بوت۔ کمیٹی ئَ ایل این جی ئَ چہ چلوکیں 1200میگاواٹ ئِ گنجائش ئِ نوکیں پاور پلانٹ ئِ برجا ئی ئِ منظوری دات۔ دیوان ئَ وزیر ئِ ھزانگ محمد اسحاق ڈار ، وفاقی وزیر آپ ئُُ توان خواجہ محمدآصف ، بُنجاھی وزیر پٹرولیم ھُدائی ئِ مڈی شاہد خاقان عباسی، وزیر منصوبگ بندیئُُ دیمروئی احسن اقبال، سر وزیر پنجاپ محمد شہباز شریف، وزیر مملکت اھوالکاری ئُُ شنگ کاری مریم اورنگزیب ئُُ ایندگہ کارندہ آں بھر زوری کُت۔