اسلام آباد۔ 06جون (اے پی پی) وزیر مملکت قومی جان جوڑی سائرہ افضل تارڑ مردان اٹی وزیراعظم قومی ہیلتھ پروگرام نا دمدستی جاری کننگ نا پارت کرینے۔ اوداپارت ئِ داڑے اسہ بڑزکو کہولی دیوان اسے نا کماشی ئِ کرسا پارے۔ اوپارے کہ مردان نا 33000درج مروک آ خاہوت آتے کن دا پروگرام نا رداٹ آسراتی دمدستی وڑاٹ فراوان کننگے۔ اوپارے کہ وزیراعظم نا وژن نا رداٹ اونا وزارت نیزگار الس ئِ معیاری جان جوڑی نا آسراتی نا فراوانی ٹی ہر حداسکان ہِننگے۔ دیوان اٹی سیکرٹری جان جوڑی محمد ایوب شیخ، ایڈیشنل سیکرٹری ہیلتھ ڈاکٹر ہاشم پوپلزئی، ڈی جی ہیلتھ ڈاکٹر اسد حفیظ، پروگرام ڈائریکٹر ڈاکٹر فیصل رفاق و اسٹیٹ لائف آن ندیم بیسی و محمد اشعر ئسک ساڑی ئسر۔ داوخت آ وزیر مملکت قومی جان جوڑی سائرہ افضل تارڑ چیئرمین سٹیٹ لائف ندیم کامران بلوچ و اونا ٹیم ئِ دا پروگرام آ عملدرآمد کن کوشست آتا ستائِ کرے۔
