اسلام آباد۔ 06جون (اے پی پی) وزیراعظم محمد نواز شریف دا ہیت آ زور شاغانے کہ بجلی نا طلب و رسد نا بابت فعال ڈٹ بندی ئِ کاریم اٹ اتنگے۔ توانائی نا بارواٹی کابینہ کمیٹی روچہ مبارک اٹی شونداری کاریم تا بنداو آ بجلی ئِ بند کپننگ نا پارت کرسا ایل این جی آ مبنی 1200 میگاواٹ نا پوسکن آ بجلی گھر انا اڈتننگ نا منظوری ئِ تسنے۔ کابینہ نا توانائی کمیٹی نا دیوان سے شنبے نا دے وزیراعظم محمد نواز شریف نا کماشی ٹی اڈ ہلک۔ ہراٹی سیکرٹری دیر وبجلی کمیٹی ئِ گدرینگوک آ دیوان اٹی کروک آ فیصلہ غاتیا پیش رفت نا بارواٹی ہم معلومدار کرے ہرافتے ٹی خزانہ، دیر و بجلی و پٹرولیم و قدرتی وسیلہ غاتا وزارت آتا بین الوزارتی کمیٹی نا کاریم، ستمبر 2018ءاسکان بجلی نا طلب و رسد نا جاچ و غیر فعال بجلی گھر آتا کاریم اٹ اتنگ اوار ئِ۔
