اسلام آباد۔06جون (اے پی پی) مسلم لیگ(ن) ئِ رہنما سینیٹر مشاہداللہ خانئَ گشتگ کہ سینیٹر نہال ہاشمی ئَ وتی دست کشی واتر زُرتگ گل ئِ ڈسپلن ئِ ھلاپ ورزی کتگ، مسلم لیگ (ن) ئِ مزن گسی کمیٹی ئِ اجلاس ئَ سینیٹر نہال ہاشمی ئَ دست کشی ءِ سرئَ چارءُ بچار کنگ بوتگ، مہ چیئرمینئَ گوں دزبندی کتگ کہ سینیٹر نہال ہاشمی ئِ دست کشی ئَ را منظور بہ کنت بلے چیئرمین سینیٹ ئَ گشتگ کہ سینیٹر نہال ہاشمی ئَ وتی دست کشی واتر زُرتگ۔ سئے شمبے ئِ روچئَ مزن گس ئِ ڈنئَ سینیٹر جاوید عباسی، سینیٹر سلیم ضیاءءُ سینیٹر سعود مجید ئِ ھمراہ مزن گس ئِ ڈنئَ ھال درئِ گوما گپءُ تران کتگءُ آئی ئَ گشتگ کہ نہال ہاشمی ئِ جیڑھ ئَ را باز روچ اِنت چلگئَ اِنت۔ مرچی مسلم لیگ(ن) ئِ مزن گسی پارٹی ئِ اجلاس بوتگ، اجلاسئَ پد پارٹی ئِ باسک چیئرمین سینیٹ ئِ گورئَ شتگ اَنت ، اے موھئِ سئَ مہ چیئرمین سینیٹ ئَ را گشتگ کہ نہال ہاشمی ئِ دست کشی ئَ منظور بہ کنت ، اے موھئِ سرئَ چیئرمین سینیٹ ءَ گشتگ کہ نہال ہاشمی ئَ وتی دست کشی واترزُرتگءُ شتگ۔ آئی ئَ گشتگ کہ سینیٹر نہال ہاشمی ئَ قیادتئِ گشگ ئِ پدئَ دست کشی کتگ۔ آئی ئَ را پارٹی پالیسی ئِ ردئَ دست کشی بہ کُت اِنت۔ آئی ئِ اے پیسلہ جوان نہ اِنت۔ آ تاں انگت مسلم لیگ (ن) ئِ تہا اِنت، آئی ئَ را پارٹی ڈسپلن ئِ درشانی کنگ لوٹ ایت۔ مزن گسی پارٹی اے پیسلہ ئِ گوما اِنت کہ پارٹی ئِ قیادتئَ کتگ۔
