اسلام آباد۔ 06جون (اے پی پی) مسلم لیگ (ن) نا راہشون سینیٹر مشاہداللہ خان پارینے کہ سینیٹر نہال ہاشمی تینا استیفہ ئِ پدی ہلسا پارٹی ڈسپلن نا خلاف ورزی نا مظاہرہ ئِ کرینے۔ مسلم لیگ (ن) ناپارلیمانی کمیٹی نا دیوان اٹی سینیٹر نہال ہاشمی نا استیفہ غا سجفنگا۔ نن چیئرمین سینیٹ آن خواست کرین کہ سینیٹر نہال ہاشمی نا استیفہ ئِ منظور کننگے ولے چیئرمین سینیٹ پارے کہ سینیٹر نہال ہاشمی تینا استیفہ ئِ پدی ہلکونے۔ سے شنبے نادے پارلیمنٹ ہاﺅس نا پیشن سینیٹر جاوید عباسی، سینیٹر سلیم ضیاءوسینیٹر سعود مجید تون اوار پارلیمنٹ ہاﺅس نا پیشن میڈیا تون ہیت وگپ کرسا اوپارے کہ نہال ہاشمی نا ویل بھلو دے اسے آن چلینگ انگ ئِ۔ اینو مسلم لیگ (ن) نا پارلیمانی پارٹی نا دیوان ا س مس ، دیوان آن پد پارٹی نا باسک آک چیئرمین سینیٹ آ ہنار، داوخت آ نن چیئرمین سینیٹ ئِ پارین کہ سینیٹر نہال ہاشمی نا استیفہ ئِ منظور کننگے، داوخت آ چیئرمین سینیٹ پارے کہ نہال ہاشمی تینا استیفہ ئِ پدی ہلسا ہنانے۔ اوپارے کہ سینیٹر نہال ہاشمی سروک نا پاننگ آ استیفہ تسوسس۔ داڑآ اودے اصولی وڑاٹ پارٹی پالیسی نا رداٹ استیفہ تروئی ئسک۔ اونا داجوان ئُ فیصلہ اس اف۔ اوداسکان مسلم لیگ (ن) اٹی ئِ، اوبایدے پارٹی ڈسپلن نا مظاہرہ ئِ کروسس۔ پارلیمانی پارٹی دا فیصلہ تون سلوک ئِ ہرادے پارٹی نا سروک کریسس۔
