اسلام آباد۔ 06جون (اے پی پی) جماعت اسلامی نا امیر سینیٹر سراج الحق پارینے کہ پاکستان و ایران سعودی عرب و قطر انا نیام اٹ سفارتی بے چیٹی تا چٹفنگ کن کڑد ادا کیر۔ استماری ملک آک آخبت اٹی اسلامی ملک آتے جنگ ترفنگ کن ہرانقشہ ئِ جوڑ کرینو اواوڑآ عمل کننگ ئُ۔ سے شنبے نا دے پارلیمنٹ ہاﺅس نا پیشن میڈیا تون ہیت وگپ کرسا اوپارے کہ مستین اٹی اسلامی ملک آتیا دیکی ملک آتا کوزہ ئس دا کوزہ ئِ بھلو وخت اسے نا جہد آن ختم کرفنگا۔ اسلامی ملک آتا تہٹی وسیلہ غاتیا دشمن ناکوزہ ئِ۔ ہر اسلامی ملک اٹی امریکہ تینا فوج ئِ تولفینے۔ اوپارے کہ استماری ملک آک آخبت اٹی اسلامی ملک آتا ہرانقشہ ئِ جوڑ کرینو او اوڑآ عمل کننگ ئُ۔ مسلمان تے مسلک و لسانی بنداو تیا اسہ ایلو تون جنگ کرفنگ دیکی نا متکن آ ایجنڈائِ۔ ہڑتوم آ ملک آک اسلامی ملک آتا نیام اٹ جھیڑہ غاتے چٹفنگ کن تینا کوشست آتے ترند کیر، و اسہ بھلا ایلم نا کڑد ئِ ادا کیر۔ اسہ سوج اسے نا ورندی ٹی اوپارے کہ نہال ہاشمی اول تقریر کرے ولدا استیفہ تس ولدا معافی خوائس داسہ اونا استیفہ ئِ پدی ہلنگ سمجھ آن پیشن ئِ۔
