اسلام آباد۔ 06جون (اے پی پی) وزیراعظم محمد نواز شریف نا خصوصی کمکار سیاسی امور ڈاکٹر آصف کرمانی پارینے کہ نہال ہاشمی سینیٹ آن استیفہ تسوسس تو اوڑآ بایدے سلوسس۔ نجی ٹی وی چینل تون خصوصی ہیت وگپ کرسا اوپارے کہ 28مئی آ نہال ہاشمی ہرابیان ئِ تس او افسوزناک ئس ہرانا بڑزکو سروک دمدستی نوٹس ئِ ہلک و اونا برخلاف انضباطی کارروائی ئِ عمل اٹی اتسا اودے شوکاز نوٹس جاری کننگا۔ اوپارے کہ 31مئی آ نہال ہاشمی سینیٹ نا نشست آن استیفہ تس و اینو او منحرف مسنے۔ دا گام آن نہال بھاز سبکی نا مظاہرہ ئِ کرینے۔
