مزن وزیر محمد نواز شریف ئِ لاہور ئَ پارٹی باسک آں گوں گشتانک

ما ناں کدئی دروگیں سیاست نہ کتگ ئُُ نا کن آں، ھرچی کہ گوشتگ گوں پچیں ئُُ ساپیں دل ئَ ھمے وڑ کتگ، دیمروئی ئِ سفر جاڑی دارگ بیت، مسلم لیگ (ن) ئِ باسک مئے مڈی اَنت، اے وڑیں مڈی ھر کسے ئِ کرا بہ بنت آں ناکام نہ بیت، توان ئِ منصوبگ یک یک ئَ سرجم بوھگ ئَ اَنت، ھاٹیگ ئِ منصوبگ آنی سر ئَ 36ارب ڈالر ھرچ ئُُ درچ کنگ بوھگ ئَ اِنت، اورنج لائن ئُُ میٹروبس سروس گریب آنی جوانتریں اِزمت اَنت
لاہور ۔ 5 جون (اے پی پی) مزن وزیر محمد نوازشریف ئَ گوشت کہ ما ناں کدئی دروگیں سیاست نہ کتگ ئُُ ناکن آں، ھرچی کہ گوشتگ گوں پچیں ئُُ ساپیں دل ئَ ھمے وڑ کتگ، ھلاپ ئِ مردم آنی مول ئُُ مراد نہ زاناں کہ چے اَنت، دیمروئی ئِ گام ئَ جاڑی دار اَنت، مسلم لیگ (ن) ئِ باسک مئے مڈی اَنت، اے مڈی ھرکسے کرا اَست اَنت ناکام نہ بیت، باسک آناں پاکستان ئِ نپ دوست اِنت، آئی ئَ اے ھیالانی درشانی دو شمبے ئَ ادا شہر ئِ توک ئَ پارٹی ئِ باسک آں گوں گشتانک دیان ئَ کت۔ مزن وزیر ئَ ھاٹیگ ئِ کمیگ ئَ را دور کنگ ئِ ھاترا استیں حکومت ئِ نیمگ ئَ چہ چست کتگیں گام آنی بابت ئَ تران کنان ئَ گوشت کہ توان ئِ منصوبگ یک یک کنان سرجم بوھگ ئَ آں، گوستگیں روچ ئَ توان ئِ 19ھزارریکاٹ پیداک بوتگ وھدیکہ ھزار میگاواٹ توان اے سال ئُُ آیوکیں سال ئِ گڈ ئَ تاں ایشی ئِ تہئَ ھوار بیت۔ مزن وزیر ئَ گوشت کہ منصوبگ آنی کم چہ کم وھد ئُُ پاس، ھرچ ئُُ درچ ئُُ ساپ ئُ سلئیئَ سرجم بیت ئُُ توان ئِ بازیں منصوبگ آنی بنگیج ئِ ھاترا تیار آں۔ مزن وزیر ئَ گوشت کہ ھاٹیگ ئِ منصوبگ آنی سر ئَ 36ارب ڈالر ھرچ ئُُ درچ کنگ بوھگ ئَ اِنت، 36سد میگاواٹ ئِ ایل این جی ئِ سئے منصوبگ آنی تہئَ 112 ارب کلدار ئِ بچت کتگ ۔ آئی ئَ بنیاتی کوکا ئِ دیمروئی ئِ سر ئَ ھاسیں دلگوشی ئِ بابت ئَ گوشت کہ اورنج لائن ئُُ میٹروبس سروس گریب آنی جوانیں ازمت اِنت، ھلاپ ئِ مردم آنی ایجنڈا اِچ زانگ نہ بیت کہ چے اَنت، دیمروئی ئِ سپر جاڑی اِنت، آئی ئَ گوشت کہ مئے دور ئَ پاکستان ئَ ایمنی ئِ جاور ھال گہتر بوتگ اَنتوھدیکہ اقتصادی نکتہ آنی تہ ئَ گیشیں گہتری اَتکگ۔ مزن وزیر ئَ پارٹی ئِ باسک آناں دلگوش کنان ئَ تران گوشت کہ منا گوں باسک آں ملگ ئَ منا سک باز وشی رستگ، مزن وزیر ئَ گوشت کہ 1985ئَ چہ آئی ئِ یک سیادی ئِ گوں ایشاں بندوک بوتگ۔ ما 1985ئَ پد مسلم لیگ ئَ را نوک سر برجا کتگ، مئے ئُُ شمے سیادی ئَ اِچ وڑیں شک ئُُ پک نیست ، باسک مئے مڈی اَنت۔ مزن وزیر ئَ گوشت کہ آئی ئَ لاہور ئُُ پنجاپ ئَ دیمروئی منصوبگ آنی بابت ئَ دو شمبے ئَ یک دیوان ئِ کماشی ئِ کتگ۔ آئی ئَ گوشت کہ پنجاپ ئَ دیمروئی منصوبگ ئَ شہباز شریف مبارکی ئِ واھگ دار اِنت۔ شہباز شریف ئَ لاہور ئُُ پنجاپ ئِ دیمروئی ئَ سک باز دلی واھشت زرتگ۔ مزن وزیر ئَ گوشت کہ سر وزیر پنجاپ ئِ بستار ئَ من ھم وتی حکومت ئِ دور ئَ دل ئُُ جان ئَ گوں کار کتگ۔