پاک فوج انا سروک جنرل قمر جاوید باجوہ تون جاپان نا سفیر تاکاشی کورائی نا اوڑدہی

تین پہ تینی است خواہی و علاقائی سیکورٹی نا معاملہ غاتیا خیال آتا درشانی ئِ کننگا، آئی ایس پی آر
راولپنڈی۔ 05جون (اے پی پی) پاک فوج انا سروک جنرل قمر جاوید باجوہ تون جاپان نا سفیر تاکاشی کورائی اوڑدہی کرے۔ اوڑدہی ٹی تین پہ تینی است خواہی و علاقائی سیکورٹی نا معاملہ غاتیا خیال آتادرشانی ئِ کننگا۔ پاک فوج انا شعبہ تعلقات عامہ (آئی ایس پی آر) نا رداٹ جی ایچ کیو راولپنڈی ٹی مروک آ اوڑدہی ٹی جاپانی سفیر تاکاشی کورائی دہشت گردی نا برخلاف پاک فوج و الس نا قربانی تا ستائِ کرے۔ جاپانی سفیر اوڑدہی ٹی پارے کہ جاپانی حکومت پاکستان تون ہر بشخ اٹی کمکاری ئِ ودفنگ نا خواہش تخک۔ آرمی چیف جنرل قمر جاوید باجوہ جاپانی سفیر نا منت واری ئِ ادا کرسا اومیت ظاہر کرے کہ جاپان ڈیہہ ٹی امن وسوگوی کن تینا مثبت کڑد ئِ ادا کرسا کیک۔