توانائی نا بناءکروک آ ڈٹ آتا پوروی آن پاکستان اٹی توانائی نا تنکی نا ایسری ٹی کمک رسینگک، سی پیک انا رداٹ توانائی نا 17 ڈٹ آتے پورو کروئی ئِ، 11غا جوڑجاڑی کاریم ترندی اٹ برجائِ، چینی سفارتکار

اسلام آباد+بیجنگ۔04جون (اے پی پی) چین پارینے کہ پاک چین اقتصادی راہداری (سی پیک ) نا رداٹ توانائی نا بشخ آتیٹی بناءکروک آ ڈٹ آتا پوروی آن پاکستان اٹی توانائی نا تنکی نا ایسری ٹی کمک رسینگک۔ دا ہیت ئِ چین انا اسہ سفارت کار اس بیجنگ اٹی اے پی پی تون ہیت وگپ کرسا پارے۔ اوپارے کہ داوخت پاک چین اقتصادی راہداری (سی پیک) ڈٹ آ عملدرآمد برجائِ، دا پروجیکٹ نا رداٹ توانائی نا چندی ڈٹ آتیا کاریم مننگ ئِ۔ اسہ سوج اسے آ اوپارے کہ سی پیک نا رداٹ توانائی نا 17 ڈٹ آتے پورو کروئی ئِ ہرافتیان 11 غا جوڑجاڑی کاریم ترندی اٹ برجائِ۔ اوپارے کہ ساہیوال کول پاور پلانٹ انا ڈٹ سی پیک انا ارلی ہارویسٹ ڈٹ آتیٹی اوار ئس، داپلانٹ نا ہڑتوم آ یونٹ آک کاریم نابنائِ کرینو و داڑآن قومی گریڈ ئِ 1320 میگاواٹ بجلی فراوان کننگ انگ ئِ۔ دا پلانٹ آ مچ آ کاریم 22 تُو انا چنکو وخت اسے ٹی پورو مسنے و دا ڈٹ تخوک آ وخت آ شش تُو مست پورو کننگانے۔