پاکستان نا برطانیہ نا دارالحکومت لندن اٹی دہشت گردی نا جلہو نا ترندی اٹ مذمت

اسلام آباد۔ 04جون (اے پی پی) پاکستان برطانیہ نا داراالحکومت لندن اٹی دہشت گردی نا جلہو نا ترندی اٹ مذمت ئِ کرینے ہراٹی 6 بندغ تپاخت و کیہیک ٹھپی مسنو۔ دفترخارجہ نا ترجمان یک شنبے نا دے داڑے جاری بیان اٹی پارینے کہ دہشت گردی نا دا جلہو انسانی اقدار آ جلہو آتا مترادف و ہر لحاظ اٹ قابل مذمت ئِ۔ اوپارے کہ پاکستان نا حکومت و الس برطانیہ نا حکومت و الس تون ڈکھ ، است ہسونی و ہمدردی نا درشانی ئِ کیک۔ اوجلہو اٹی تپاخت کروک آ بندغ آتا خاہوت آتون است ہسونی نا درشانی و ٹھپی تا زوت جان جوڑی کن دعا کرے۔ ترجمان پارے کہ غم و ڈکھ انا دا ساہت اٹی پاکستان نا حکومت و الس برطانیہ نا حکومت و الس تون تفوک ئِ۔ ترجمان پارے کہ دہشت گردی اسہ جہانی ئُ عفریت اس و اسیجائی ئُ چیلنج اسے ہرادے مربوط کوشست و کمکاری اٹ چٹفنگ مریک۔