اسلام آباد۔ 04جون (اے پی پی) جنگل آتا کاٹ کننگ اٹی مروک آ ترند تر ودکی نا سوب جہانی کہول آ ماحولیاتی آلودگی ودنگ ئِ ۔ اقوام متحدہ نا رپورٹ نا رداٹ ہرسال مچ آ دنیا ٹی تقریباََ 13مین ایکڑ رقبہ غا تالان جنگل آتے کاٹ کننگک وخت اس کہ جنگل آک ماحولیاتی آلودگی نا نسخان آتے کم کننگ اٹی بے کچ کمکار جوڑ مریرہ۔ اقوام متحدہ جنگل آتا زیرکاشت رقبہ ٹی ودکی و کاٹ کننگ نا عمل اٹی حوصلہ شکنی کن جہانی کہول آ مربوط گام گیج آتا گرج آ زورشاغانے۔ رپورٹ نا رداٹ جنگل آتا کاٹ کننگ نا سوب جہانی حدت اٹی دے پہ دے ودکی مننگ ئِ وخت اس کہ جنگل آتیٹی کمتی آن فضائی آلودگی ہم پدریسہ ودسا ہِننگ ئِ ہرا آخبت نا بابت جہانی کہول آ اسہ سنگین ئُ خلیس اس جوڑ مرسا کننگ ئِ۔
