دبئی۔ 04جون (اے پی پی) دبئی نا جہانی قرآن ایوارڈ سعودی عرب نا فرمانرواشاہ سلمان بن عبدالعزیز ئِ اونا اسلامی خذمت آتا اعتراف نا وڑ اٹ اینخوسال انا اسلامی شخصیت گوندا۔ العربیہ ٹی وی نا رداٹ دبئی نا جہانی قرآن ایوارڈ نا منتظمہ کمیٹی نا سروک ابراہیم بوملحہ قرآن مجید نا بیست ئُ یک می سالانہ مقابلہ نا بناءآن مست شاہ سلمان کن ایوارڈ نا پڑو کرے۔ اوصحافی تتون ہیت وگپ کرسا پارے کہ شاہ سلمان ئِ اونا سلامی ، مسلمان و الحرمین الشریفین کن خذمت آتا اعتراف نا وڑاٹ داشاندار اعزاز تننگانے۔ اوپارے کہ شاہ سلمان عالم اسلام نا اسہ عظیم ئُ رجحان ساز راہشون اسے۔ اسلامی قوم اونا امتیازی خذمت ، شاندار عادت و باوقار موقف آ بجاوڑاٹ فخر کننگ کیک۔ او قدرتی آفت و بھس کاری تا وخت آ غٹ ملک و خاص وڑاٹ اسلامی ملک آتا پبی کمک ئِ کرینے۔
