نیویارک۔ 04جون (اے پی پی) اقوام متحدہ ٹی پاکستان نا سفیر ملیحہ لودھی پارینے کہ اوغانستان پاکستان آ دوبہ خلنگ آن بیدس تینا ملک انا خراب سیکورٹی حالیت آتیا چکار تخے تینا اسہ انٹرویو اسے ٹی اوپارے کہ نن ڈیہہ ٹی پرتشدد انتہاءپسند آتا اسیجائی خلیس انا چٹفنگ اٹی کمک کن تیار اُن ولے اوغانستان تینا داخلی ویل آتے خارجی گوندنگ آن پاناد کے ملیحہ لودھی پارے کہ اوغانستان اٹی ودوک آ بیدادی داعش نا تالان مروک آ اثرورسوخ ئِ ظاہر کیک ہرانا بابت نن بھلو وخت اسے آن مست خبردار کریسن۔ اوچارشنبے نا دے کابل اٹی ٹرک جلہو نا ذکر ئِ کرسا پارے کہ کابل نا گرین زون اٹی شدت پسند آتا پترینگ انگ اوغانستان نا تہہ نا گروپ آتا کارروائی ئِ پاش کیک و دا دہشت گردانہ کارروائیک بے کچ است ہسون ئُ۔
