اسلام آباد۔ 03جون (اے پی پی) وزیراعظم محمد نواز شریف نا مار حسین نواز ہفتہ نا دے چارمیکو وار جے آئی ٹی نا مون پہ مون پیش مس۔ داوخت آ جوڈیشل اکیڈمی نا کنڈآہنوک آ کسر آ سیکورٹی نا بے کچ سخت گام گیج کننگاسس۔ حسین نواز نا بننگ نا وخت آ مسلم لیگ (ن) نا کارندہ غاک جم و جوش اٹ اودے بخیر کریر۔ ہفتہ نا دے حسین نواز فیڈرل جوڈیشل اکیڈمی ٹی جے آئی ٹی ئِ تینا بیان ریکارڈ کرفنگ کن بس تو مسلم لیگ (ن) نا کارندہ غاک اونا گاڑی ئِ گھیڑ کریر داوخت آ حسین نواز گاڈی ٹی دوتے سرفسا کارندہ غاتا نعرہ غاتا ورندی ئِ ترسا کرے۔ داوخت آ وزیراعظم نا خصوصی کمکار سیاسی امور ڈاکٹر آصف کرمانی ، وزیر مملکت کیڈ طارق فضل چوہدری، میر اسلام آباد و چیئرمین سی ڈی اے شیخ عنصر عزیز و دافتیان بیدس چندی کارندہ غاک داوخت آ ساڑی ئسر۔

متعلقہ مضامینمصنف کی طرف سے مزید