اسلام آباد۔ 03جون (اے پی پی) پاکستان اٹی تعینات برطانوی ہائی کمشنر تھامس ڈریو بنجائی وزیر خزانہ اسحاق ڈار ئِ بروک آ تو لندن اٹی اڈ ہلوک آ خاہوتی پلاننگ سمٹ اٹی بشخ ہلنگ نا سلہ تس۔ دا سلہ ئِ تدوک آ دے داڑے وزیر خزانہ تون برطانوی ہائی کمشنر نا اوڑدہی ٹی تننگانے۔ برطانوی محکمہ جہانی شونداری یو این فنڈ پاپولیشن ویلفیئر و بل اینڈ ملنڈ اگیٹس فاﺅنڈیشن نا اواری اٹ سمٹ نا بست و بند ئِ کرینے۔ وزیر خزانہ اسحق ڈار برطانوی ہائی کمشنر نا منت واری ئِ ادا کرسا پارے کہ خاہوتی ڈٹ بندی اسہ اہم ئُ ویل اسے و حکومت دیوان اٹی پیش کروک آ تصور و آزموندہ غاتیان فائدہ ہرفنگ اٹی است خواہی تخک۔ تھامس ڈریو سرسہب بجٹ 2017-18ءئِ پیش کننگ آ بنجائی وزیر خزانہ ئِ مبارکبادی تس و شمولیت و پائیداراقتصادی شونداری ٹی تینا حکومت نا کنڈآن پورو کمکاری نا یخین دہانی کرفے۔
