اسلام آباد۔ 03جون (اے پی پی) بنجائی وزیر صنعت و پیداوار غلام مرتضیٰ خان جتوئی پارینے کہ پاکستان روس اتون زرکاری و کمکاری نا پوسکن ئُ افق اس ملنگ خوائک۔ روس پاکستان اٹی زرکاردوست پالیسی خاص کر بھلا صنعت و کارسازی ٹی پیش رفت آن فائدہ ہرفے۔ داخیال آتا درشانی ئِ او روس انا شار سینٹ پیٹرزبرگ اٹی روسی وزیر صنعت وواپار ڈینس منترو وتون اوڑدہی ٹی کرے۔ اوڑدہی نا مسخت ہڑتوم آ کنڈآتا خاص کر صنعتی کمکاری ئِ مون آ دننگ نا ئسک۔ غلام مرتضیٰ جتوئی ساڑی آ دے تیٹی روس انا سرکاری دورہ غاٹی ئِ ہراڑے او روسی وزیر آتون اوڑدہی آن بیدس سینٹ پیٹرز برگ جہانی اقتصادی فورم اٹی پاکستان نا نمائندگی ئِ کننگ ئِ۔ اوڑدہی ٹی بنجائی وزیر روسی وزیر صنعت ئِ پاکستان نا دورہ نا سلہ خلک ہرادے او قبول کرے۔ اوڑدہی ٹی وزیراعظم پاکستان و وزیراعلیٰ پنجاب نا دورہ ہائے روس نا بابت ہیت وگپ ہم مس۔
