سینٹ پیٹرز برگ۔ 03جون (اے پی پی) روسی صدر ولادیمیر پیوٹن امریکی کاروباری ادارہ غاتیان خواست کرینے کہ او روس و امریکہ نا نیام اٹ تعلقداری تے معمول آ اتنگ اٹی تینا کڑد ئِ ادا کیر۔ جرمن ذرائع ابلاغ نا رداٹ روسی شار سینٹ پیٹرز برگ اٹی اقتصادی فورم آن تران اٹی پیوٹن پارے کہ امریکہ و روس انا نیام اٹ گچین تعلقداریک ہڑتوم آ ملک آتا فائدہ ٹی ئِ۔ اونا پاننگ ئس کہ روسی حکومت دابابت پوسکن آ امریکی انتظامیہ تون ہیت وگپ ئِ برجاتخک۔ یات سلے کہ یوکرین و شام انا معاملہ غاتیا امریکہ روس آ پابندی خلکونے۔
