اقوام متحدہ۔ 03جون (اے پی پی) اقوام متحدہ پارینے کہ ایران 2015ءٹی طے مروک آ جوہری معاہدہ غا عملدرآمد کننگ ئِ۔ جرمن ذرائع ابلاغ نا رداٹ داہیت ئِ اقوام متحدہ جاری مروک آ اسہ رپورٹ اسے ٹی پارینے۔ جہانی ادارہ نا انٹرنیشنل اٹامک انرجی ایجنسی نا رپورٹ نا رداٹ ایران نا متنازعہ جوہری سرجزآک بھلو حداسسکان محدود مسنو و کم درجہ نا افزودہ یورینیم نا مقدار ہم مقرر کروک 300 کلو گرام نا تہٹی ئِ۔ داکان بیدس دا سہ ماہی رپورٹ اٹی ہم پاننگانے کہ ایران حکومت اسہ متنازعہ ری ایکٹر آ کاریم ئِ ہم مون آ دتہ نے۔ یات سلے کہ جولائی 2015ءٹی ایران و شش جہانی طاقت آتا نیام اٹ معاہدہ طے مسوسس۔ ہرانا رداٹ ایران تینا جوہری پروگرام ئِ توروئی ئس و دانا بدلہ داڑآن جہانی پابندی تے چٹفوئی ئسک۔
