اسلام آباد۔ 03جون (اے پی پی) وزیراعظم آزاد کشمیر راجہ فاروق حیدر خان پارینے کہ مقبوضہ کشمیر نا ورنا، الس جہد و قربانی تا اسہ پوسکن ئُ تاریخ اس نوشتہ کرینو ولے کشمیری تا جہد ئِ نتیجہ خیز جوڑ کننگ کن گچین حکمت عملی اسے نا گرج ئِ۔ بنجائی حکومت تون آزاد کشمیر نا معاملہ غاتا بابت آزاد کشمیر نا سیاست دان ، صحافی و دانشور آتے یکجامرسا بایدے کاریم کروئی مرے، آزاد کشمیر اٹی حکومت چائے حکومت ہرکس نا کہ مرے ، آزاد کشمیر نا معاملہ غاتا بابت غٹ انا اسہ بایدے توار اس مرے و دابابت یکجا مرسا بایدے کاریم کروئی مرے۔ تدوک آ دے کشمیر ہاﺅس اسلام آباد نا ایوان وزیراعظم اٹی وزیراعظم آزاد کشمیر راجہ فاروق حیدر خان صحافی تیان مقبوضہ کشمیر نا ساڑی حالیت ، کشمیر نا ویل، کشمیر نا ویل انا ایسری نا ذرائع، آزاد کشمیر حکومت ئِ انتظامی و مالیاتی معاملہ غاتیا بااختیار کننگ نا بابت معاملہ غاتیا سرجم ہیت وگپ و صلابت کرے۔
