اسلام آباد۔ 03جون (اے پی پی) وزیراعظم نا خصوصی کمکار سیاسی امور ڈاکٹر آصف کرمانی پارینے کہ وزیراعظم محمد نواز شریف اقتدار آخا اقدار نا سیاست آ یخین تخک او ملکی بقاءنا جنگ ئِ کننگ ئِ۔ مسلم لیگ (ن) ہمیشہ عدالت آتا شرف ئِ کرینے و پین وخت اس ہم کرسا کیک۔ مسلم لیگ (ن) نا حکومت الس نا گچین مروک آ حکومت ئِ، نن تون بایدے انصاف مرے نن پاکستان نا لس شاری اُن ننے ہم بایدے انصاف رسینگے اگہ محسوس مس کہ جے آئی ٹی کانود آن اسہ پلو مرسا برتاﺅ کننگ ئِ تو ولدا ننا آئینی و کانودی حق ئِ کہ نن بڑزکو عدالت آتا درگہ غا کان و میڈیا و الس تون ہم رابطہ کین۔ عمران خان تو مسہ سال آتا حساب ئِ تننگ کتو نن تو 70 سال انا حساب ئِ تننگ اُن۔ فیصلہ بننگ آن پد وزیراعظم محمد نواز شریف اونا خاہوت و مسلم لیگ (ن) سرسہب مریک و مخالف آتے ڈکھنگ نا جاگہ ہم ملیپک۔ اینو ننے آ ہیت کروک آک علم مننگ نا باوجود گودی بے نظیر بھٹو نا خونی تے دزگیر کننگ کتوس۔ داخیال آتا درشانی ئِ او ہفتہ نا دے وزیراعظم محمد نواز شریف نا مار حسین نواز نا چارمیکو وار جی آئی ٹی ٹی پیشی نا وخت آ فیڈرل جوڈیشل اکیڈمی نا پیشن صحافی تتون ہیت وگپ کرسا کرے۔
