اسلام آباد۔ 03جون (اے پی پی) وزیر مملکت کیڈ ڈاکٹر طارق فضل چوہدری پارینے کہ نن عدلیہ، میڈیا و اپوزیشن نا شرف ئِ کینہ ولے وزیراعظم نا منصب نا ہم بایدے شرف ئِ کننگے۔ عدلیہ بحالی تحریک اٹی اِرا سپاہی عمران خان ئِ اُراغا ن پیشن بننگ نا موکل تتویسس۔ حسین نواز و حسن نواز نا جے آئی ٹی ٹی پیشی داہیت انا غماز ئِ کہ مسلم لیگ (ن) عدلیہ و جے آئی ٹی نا شرف ئِ کیک۔ داخیال آتا درشانی ئِ او ہفتہ نا دے وزیراعظم محمد نوازشریف نا مار حسین نواز نا جے آئی ٹی ٹی پیشی نا وخت آ صحافی تتون ہیت وگپ کرسا کرے۔ داوخت آ وزیر اعظم نا خصوصی کمکار سیاسی امور ڈاکٹر آصف کرمانی و ڈپٹی میئر اسلام آباد سید زیشان شاہ ئسک ہم اوڑتون اوار ئسر۔
