ون بیلٹ ون روڈ ڈٹ پاکستان نا شونداری نا بھلو بناءاسے، اقوام متحدہ ٹی پاکستان نا آخبتی مندوب نا انٹرویو
بیجنگ۔ 02جون (اے پی پی) اقوام متحدہ ٹی پاکستان نا آخبتی مندوب ملیحہ لودھی ون بیلٹ ون روڈ ڈٹ ئِ پاکستان نا شونداری نا بھلا بندات گوندانے و پارینے کہ پاک چین اقتصادی راہداری آن پاکستان نا معیشت ئِ ترندی اٹ شون ہلنگ اٹی کمک رسینگانے۔ او اسہ انٹرویو اسے ٹی پارے کہ ون بیلٹ ون روڈ ڈٹ انا بناءتا بارواٹی اقوام متحدہ نا ہڑتوم آ ادارہ غاک سلامتی کونسل و جنرل اسمبلی نا قرارداد آتیٹی گچین انگا لوذ آتیٹی ذکر کننگانے و جہانی برادری دادے بھلو کچ اسے آ قبول ہم کرینے انتئے کہ دا ڈٹ انا بناءتیان نئے بیرہ جہانی معیشت ئِ شون تننگ اٹی کمک رسینگک بلکن چندی ڈیہہ و ملک آتا خلقت آتے ہم اسیجائی شونہالی کن اسہ ایلو تون ملفنگ اٹی کمک رسینگک۔ ملیحہ لودھی پارے کہ چین پاکستان چین نا دا گام اناخیرمقدم ئِ کرے و اداٹی مثبت وڑاٹ بشخ ہم ہلکونے ہراڑآن پاکستان نا گڑاس پسماندہ علاقہ غاتے شون ہلوک جوڑ کننگ اٹی ہم کمک رسینگانے دا نئے بیرہ چین و پاکستان بلکن مچ آ ڈیہہ کن ہم بھاز بھلو زمواری اسے۔ اوپارے کہ ون بیلٹ ون روڈ ڈٹ انا بناءتا نئے بیرہ بھاز زیات اہمیت ئِ بلکن دا مچ آ ڈیہہ نا امن و سوگوی کن ہم فائدہ ئُ۔
