صدر مملکت ئِ پارلیمنٹ ئِ یکجائی دیوان ئَ گوں گشتانک راجی اُمیت آنی واھگ اِنت، صدر ئِ مملکت ئَ توامیں راجی جیڈھ ئُُ کشمیر ئِ بابت ئَ پاکستانئِ پالیشی آناں پدریں رنگ ئَ سہرا کتگ، سر وزیر بلوچستان نواب ثناءاللہ زہری

کوئٹہ ۔2 جون(اے پی پی) سر وزےربلوچستان نواب ثناءاللہ خان زہری ئَ پارلےمنٹ ئِ یکجائی دیوان ئَ صدر ئِ مملکت ممنون حسین ئِ گشتانک ئَ را راجی اُمیت آنی واھگ اِنت ئُُ ایشرا راجی منگ نامہ گوشان ئَ صدر ئِ مملکت ئَ گوشت کہ توامیں اراجی جیڈھ کامیاتی ئَ گوں گیوار ئُُ کشمیر ئِ جیڈھ ئِ سر ئَ پاکستان ئِ پالیشی ئَ را پدریں رنگ ئَ درشان کت ئُُ ملک ئُُ راج َ دیم پہ دیمیں جیڈھ آنی بابت ئَ گائیڈ لائن پجارینتگ۔ سر وزیر بلوچستان ئَ صدر ئِ مملکت ئِ بابت ئَ گوشت کہ آئی ئِ گشتانک ئَ راج ئِ دل آناں باج برتگ، پاکستان ئِ جیڈھ توکی ئُُ ڈنی چیلنج آں گوں گر ئُُ چیل بوھگ ئِ ھاترا زکت دار آنی ھم زمہ واری اِنت ، ما وتی توامیں سیاسی ھلاپ آناں پشت ئَ چنڈگ ئَ ھوار راجی یکوئی ئُُ راجی نپ ئُُ سیت ئِ ھاتر ا باز کسی نپ آناں دیم ئَ ترجی دیگ ئِ بنیات ئَ بکن آں۔ سر وزیر ئَ صدر ئِ مملکت ئِ گشتانک ئِ ساھت ئَ اپوزیشن ئِ رویہ ئِ سر ئَ سک باز دلپدردی ئُُ اپسوزی ءِ درشان کنان ئَ گوشت کہ صدر ئِ مملکت بُنجاھی ئِ چیدگ اِنت ئُُ آئیئِ پارلیمنٹ ئِ یکجائی دیواان ئَ گشتانک کانودی زمہ واری اِنت ھمے ھاترا اپوزیشن ئَ جاک ئُُ کوکار ئِ مٹ ئَ سیاسی اوپار ئُُ تھمبل ئُُ راجی یکوئی ئِ درشان کنان ئَ صدر ئِ گشتانک ئَ را گوشدارگ لوٹ اِتگ ایشی ئَ چہ نہ ایوک ئَ راج بلکینگ ئَ میاں اوستمانی پڑ ئَ ھم پاکستان ئِ پارلیمنٹ ئُُ پارلیمانی رپک آنی بابت ئَ شریں کلوہ روت۔