بروک آ 24گھنٹہ ٹی پنجاب نا میدانی علاقہ و بڑزکو سندھ اٹی موسم بھاز باسن مریک، محکمہ موسمیات

اسلام آباد۔ 02جون (اے پی پی) محکمہ موسمیا ت نا رداٹ بروک آ 24گھنٹہ ٹی ملک انا گیشتر علاقہ غاتیٹی موسم باسن و پِرکپک وخت اس کہ پنجاب نا میدانی علاقہ و بڑزکو سندھ اٹی بھاز باسنی مریک۔ رپورٹ نا رداٹ گدرینگوک آ 24گھنٹہ ٹی کشمیر و گلگت بلتستان، راولپنڈی ، گوجرانوالہ ، بہاولپور ڈویژن اٹی گڑاس ہند آتیا ترند تہو و ہورہ و گروک تون پِر مس ولے ملک انا ایلو علاقہ غاتیٹی موسم باسن و پِر کتنے۔ غٹ آن زیات پِر گڑھی دوپٹہ ٹی 12ملی میٹر، منڈی بہاﺅالدین5، منگلہ، جہلم 3، چکوال2، سیالکوٹ، بہاولپور اسٹ، بگروٹ 3و سکردو ٹی اسہ ملی میٹر ریکارڈ کننگانے۔