صدر مملکت نا پارلیمنٹ آن تران اٹی اپوزیشن نا رویہ غیر جمہوری ئس، مائزہ حمید

اسلام آباد۔ 02 جون (اے پی پی) مسلم لیگ (ن) نا راہشون مائزہ حمید پارینے کہ صدر ممنون حسین نا کنڈآن تران اٹی قومی یکجہتی نا ذکر ستاءکڑزک۔ ریڈیو پاکستان تون ہیت وگپ کرسا اوپارے کہ پارلیمنٹ نا اسیجائی دیوان آن تران اٹی صدر پاکستان چندی ہیت آتا ذکر ئِ کننگانے ہراٹی قومی یکجہتی نا ہیت خوش آئند ئِ ۔ مسلم لیگ (ن) نا راہشون پارے کہ صدر مملکت نا کنڈآن چین پاکستان اقتصادی راہداری ڈٹ انا اہمیت نا ذکر ئِ کرسا پارینے کہ ننا معیشت نا گچینی نا بنداوی سوب ہم ہندا ڈٹ ئِ۔ اپوزیشن نا رویہ نا بابت چست کروک آ سوج انا ورندی ئِ ترسا مائزہ حمید پارے کہ پارلیمنٹ نا اسیجائی دیوان آن صدر نا تران اٹی اپوزیشن ننا رویہ غیر جمہوری ئس و دا پاکستان نا تاریخ اٹی اولیکو وار کننگا۔ دُن انگا عمل آن جمہوری عمل ئِ نزور کننگ کیک، حزب اختلاف نا جماعت آتے اسہ ریاست نا سروک نا بایدے شرف ئِ کروئی مروسس۔