اسلام آباد ۔ یکم جون(اے پی پی) صدر مملکت ممنون حسین ئَ گوشت کہ بھارت پڑ ے ایمنی ئُُ برجائی ئَ درستاں چہ مستریں رکاوٹ اِنت، کشمیر ئِ جیڈھ ئِ یکیں گیواری اقوام ئِ متحدہ ئِ منگ نامہ ئِ رد ئَ اِنت، کنٹرول لائن ئِ سر ئَ یک شل ئَ مردم آنی تاوان ئُُ بے گنائیں کشمیری آناں لگت مال کنگ لائک ئِ مذمت اِنت، شدت ئِ ھلاس کنگ ئِ ھاترا حکومت، باسک ، پارلیمنٹ، سیاسی ٹولہ ئُُ زانشی ئُُ پٹ ئُُ پولی ادارگ آناں برجائیں کرد ئِ پیلو کنگ ئِ ضلورت اِنت، اوگان سروکی ئَ را وت مہ وتی کمک ئَ چہ سیم سرئی ایمنی ئَ را گہتر کنگ ئِ دعوت ئَ دیاں، چین پاکستان اقتصادی راہداری منصوبگ سرجمیں پڑ ئِ دیمروئی ئُُ وشھالی ئِ وسیلگ انت، پاکستان ئِ دیمروئی ئِ نمبگ دھ سال ئِ برز تریں تک ئَ سر اِنت، زرمبادلہ ئِ امبار 23ارب ڈالر ئِ سر ئَ چار ئُُ بچار کتگ، میاں اوستمانی ادارگ اے گہتری ئَ را منگ ئَ آں، گریبی ئِ ھلاس کنگ ئِ ھاترا سک باز اِزمت ئِ ضلورت اِنت، پاکستان ئَ سفارتی پڑ ئَ ارزشتی ایں کامیاتی در جتگ، پاکستان ئَ اسلامی دگنیا ئِ جیڈھ آنی گیواری ئِ ھاترا مُدام ساپ دلیں کرد پیلو کتگ، اقوام ئِ متحدہ ئَ را گیش جوانیں ئُُ ارزشتی جوڑ کنگ ئِ ھاترا سلامتی کونسل ئِ شور آنی ضلورت اِنت۔ پنچ شمبے ئِ روچ ئَ پارلیمنٹ ئِ دوئیں ایوان آنی یکجائی دیوان ئَ گوں گشتانک دیان ئَ صدر ئِ مملکت ممنون حسین ئَ گوشت کہ پاکتانی جمہوریت ئَ بازیں جھلگ ئُُ بُرزگ دیستگ۔ مئے جمہوریت آزماش ئِ وھد ئُُ پاس ئَ گوزگ ئَ اِنت ئُُ راج ئِ جزم ئِ بدولت ئَ مزن مزنیں جیڈھ ھم گیوار بوتگ ایشی ئِ نتیجگ مئے پارلیمان ئِ گواچنی مول ئُُ مراد آنی نیمگ ئَ سپر جاڑی اِنت۔ اے رنگ ئَ اے گپ سک باز ارزشتی انت کہ بازیں ھلاپ آں ابید پارلیمنٹ ئَ وتی شرپ برجا داشتگ بلکینگ ئَ کامیاتی ءِ گوما دیم ئَ سہرا بوتگ ایشی ئِ کرد ئَ را مدام ایگیں واستہ یات دارگ بیت، ایشی ئِ سرئَ من درستاں ئُُ پاکستانی راج ئَ را دل ئِ جھلانک آں گوں مبارک بات گوشاں۔ صدر ئِ مملکت ئَ گوشت کہ گوستگیں بازیں سال آں چہ بے ڈنگیں پالیشی آنی سبب ئَ گران بہائیں مڈی بے دردی ئَ زیات کتگ اَنت۔ نوں شگر اِنت ئُُ کمو جزبگ اِنت۔ ریاست ئِ کاروبار ئُُ سرمایہ کار دوستیں پالیشی، بازیں براعظم آناں یکجا ھوار کتگ ئُُ یک نوکیں ساچست ئے ئِ وسیلگ ئَ پاک چین اقتصادی راہداری ئُُ ھاٹیگ ئِ کمیگ ئَ چہ در آیگ ئِ ھاترا توان ئِ جوڑیشت ئِ منصوبگ اے رچ ئِ کڑئی اِنت۔ آئی ئَ گوشت کہ حکومت ئِ وژن 2025ئَ دیم ئَ چہ گوستگ ایشی ئَ معشیتئِ برجا ئُُ الس ئِ گہبود ئِ ئِ ھاترا بازیں پرجوانیں پروگرام ھوار اَنت۔ ایشانی تہ ئَ راجی پیداوار ئُُ یک مردم آمدنی ئِ نمبگ ئِ پد دگنیا ئِ 25مزنیں معشیت آنی تہئَ ھوار بوھگ ئِ جزم ھوار اِنت۔ اگاں ما اے واھشت ئَ را گوچن ئِ تہئَ مٹ کنگ ئِ جاور پیداک بکن اَنت گڈا راجی مڈی گیش گہتر یں رنگے ئَ اُلس ئِ گہبود ئِ کارمرد کت بکن اَنت۔ بیااِت یک ئِ دومیگ ئِ گوما دست مہ دست بہ باں راجی مول ئُُ مراد ئِ سرجمی ئِ وسیلگ بہ باں چیا کہ مئے نصب العین یک انچیں پارلیمنٹ اِت کہ ایشی ئِ واب مئے بزرگ آں ئُُ ھاسیں ازمکار ئِ پاکستان علامہ محمد اقبال ئَ ئَ دیستگ بوتگ۔ اللہ تعالیٰ ماراوتی حفظ ئُُ امان ئَ بکن آت آمین۔ پاکستان پائیدہ باد۔
