وزیراعظم و اونا خاہوت نا احتساب ئِ 1974ءآن کننگ انگ ئِ، حنیف عباسی
اسلام آباد۔ 01جون (اے پی پی)مسلم لیگ (ن) نا راہشون دانیال عزیز پارینے کہ عمران عدالت اٹی ساڑی مرسا بایدے تینا صفائی ئِ پیش کے۔ جوڈیشل اکیڈمی آن پیشن میڈیا تون ہیت وگپ کرسا اوپارے کہ وزیراعظم محمد نواز شریف تینے خاہوت تون اوار احتساب کن پیش کرے و ہچ ئُ استثناءاس دوئی کتو ۔ اوپارے کہ ہراتم معاملہ غاک کانود آن گدرینگر تو قوائد و ضوابط پد سلے و حرکت آک پین اسے کنڈاسے آ پیش تمر تو ولدا ننا آئین و کانود نا رداٹ بایدے گڑتی تیا چکار تخوئی مرے۔ دانیال عزیز پارے کہ عمران خان و جہانگیر ننا کنڈآن خلوک آتا دوبہ غاتا اعتراف ئِ کرینو کہ اوفک خراج دزی و میرات آتے ڈکانو۔ عمران خان اشتہاری ئِ اودے عدالت نا مون آ پیش مرسا بایدے تینا صفائی ئِ پیش کے و ضمانت ہلنگ آن پد الس نا کنڈآ بایدے برے۔ اوپارے کہ انصاف نا معیار ئِ قائم کننگ کن اونا برخلاف کارروائی بایدے عمل اٹ اتنگے۔ داوخت آ مسلم لیگ (ن) نا راہشون حنیف عباسی پارے کہ وزیراعظم محمد نوازشریف نا خاہوت نا احتسابئِ 1974ءآن کننگ انگ ئِ و 12اکتوبر آ حسین نواز و حسن نواز راولپنڈی نا تھانہ غاتیٹی ، میاں نواز شریف و شہبازشریف اٹک قلعہ ٹی بند ئسر۔ اوفتا درست راست ہم قلعہ ٹی بند ئس۔ اوپارے کہ شیر انا چوریک ہم شیر مریرہ۔ حنیف عباسی پارے کہ دا عمل ئِ ہُننگ نا گرج ئِ کہ انت انصاف غٹ اکن بریبر ئِ۔
