کابل ۔ 31 مئی (اے پی پی)اوگان بنجاہ کابل ئَ جرمن سفارتخانہ ئِ نزیک ئَ کار بمب تراک ئِ سبب ئَ کم ئَ چہ کم 40مردم بیران ئُُ 60ئَ چہ گیش ٹپی بوتگ انت۔اوگان رسانک در ئِ رد ئَ بنجاہ کابل ئِ ڈپلومیٹک انکلیو ئِ وزیر اکبر خان سٹریٹ ئَ کار بمب تراک بوتگ ایشی ئِ سبب ئَ 40مردم بیران ئُُ 60ئَ چہ گیش ٹپی بوتگ انت۔واکدارآنی نیمگ ئَ چہ اے تراک ئَ روان سال ئِ درستاں چہ گیش ھندوناک قرار داتگ۔ٹپی آن نزیکیں نادراھ جاءئَ دیم دیگ بوتگ۔تراک ئِ سبب ئَ بھارتی سفارتخانہ ئِ ھوار بازیں درملکی سفارتخانہ ئِ ماڑی آن تاوان رستگ۔تراکئِ رندا قانود ایر کنوکیں ادارگ ئِ کارندھ آں ڈپلومیٹک انکلیو ئِ دگ بندی کرتگ ئُُ پٹ ئُُ پول بنگیج کرتگ۔بنجاہ ئَ ایمرجنسی جنئگ بوتگ ۔
