پاکستان دہشت گردی نا شانہ مننگ نا بناءآ داڈکھ و دڑد ئِ پہہ مریک و ہروڑنا دہشت گردی نا مذمت نا اعادہ ئِ کیک، ترجمان دفتر خارجہ
اسلام آباد۔ 31مئی (اے پی پی) پاکستان کابل اٹی دہشت گردی نا جلہو نا ترندی اٹ مذمت ئِ کرینے ہراٹی کیہی نہادی جان تا زیان م و چندی بندغ آک ٹھپی ہم مسر۔ دفترخارجہ نا کنڈآن چارشنبے نا دے جاری بیان نا رداٹ دھماکہ آن خڑک اٹی رہینگوک آ گڑاس پاکستانی سفارت کار و عملہ نا ہنکین آتے ہم نسخان رسینگا و گڑاس زرس ٹھپی ہم مسر۔ بیان اٹی پاننگانے کہ پاکستان دہشت گردی نا نشانہ مننگ نا بناءآ دا ڈکھ و دڑد ئِ پہہ مریک ہراڑآن دُن انگا واقعہ غاتیٹی خلقت و راج ئِ گدرینگوئی تمک۔ بیان اٹی پاکستان نا الس و حکومت اوغانستان نا حکومت ، الس و پدسلوک آخاہوت آتون دلی ہڑزخواہی نا درشانی ئِ کرسا ہروڑنا دہشت گردی نا مذمت نا اعادہ ئِ کریر۔ بیان اٹی پاننگانے کہ نن ٹھپی تا زوت جان جوڑی کن ہم دُعا گواُن و ڈکھ انا داساہت اٹی تینا اوغان ایلم تتون سلوک اُن۔
