اسلام آباد۔ 31مئی (اے پی پی) صدر مملکت ممنون حسین پارلیمنٹ نا اسیجائی دیوان آن (اینو) پنچ شنبے نا دے تران کیک، پارلیمنٹ نا اسیجائی دیوان اسپیکر قومی اسمبلی سردار ایاز صادق نا کماشی ٹی سہب انا 11بجہ غا مریک۔ صدر مملکت نا پارلیمنٹ آن تران کن غٹ بست و بند آتے پورو کننگانے۔ مہمان تا پارلیمنٹ گیلری ٹی انٹری خصوصی دعوتی کارڈ آ مریک۔میڈیا تون اوار غٹ مہمان تے صدر نا تران ئِ بِننگ نا سلہ نامہ جاری کننگانے۔ صدر مملکت ممنون حسین نا پارلیمنٹ نا اسیجائی دیوان آن دا پنچ میکو تران مریک۔ اونا تران آن مست قومی ترانہ ئِ خلنگک۔ صدر مملکت نا تران ئِ بِننگ کن سلہہ بند فوج انا سروک ، درملکی سفارت کار ، صوبائی وزیراعلیٰ، گورنر ، آزاد کشمیر نا صدر و وزیراعظم ، وزیراعلیٰ و گورنر گلگت بلتستان تون اوار ایلو اہم شخصیت آتے سلہ ئی کارڈ جاری کننگانے وخت ا س کہ پارلیمنٹ ہاﺅس نا دنگ اٹی گاڈی تا پترینگ انگ ہم خصوصی سٹیکر اٹی مریک۔ صدر مملکت نا پارلیمنٹ نا اسیجائی دیوان اتون ساڑی آ قومی اسمبلی نا پنچ میکو پارلیمانی سال بناءکیک۔
