اسلام آباد ۔ 31 مئی (اے پی پی) صدر مملکت ممنون حسین پارلیمنٹ ئِ یکجاھیں دیوان ئَ چہ (مروچی) پنچ شمبے ئَ تران کن انت‘ پارلیمنٹئِ یکجاھیں دیوان سپیکر بنجاہی اسمبلی سردار ایاز صادق ئِ سروکی ئَ سہب ئِ یازدھ بج ئَ پارلیمنٹ گِس بیت۔ صدر مملکت ئِ پارلیمنٹ ئَ گوں گوشتانک ئَ پہ دراھیں بندئُُ بست سرجم کنئگ بوتگ انت۔ مہمان آنی پارلیمنٹ گیلری ئَ انٹری حاصیں دعوتی کارٹ ئِ سرا بیت۔ میڈیائِ ھوار دراھیں مہمان آن صدرئِ گوشتانک گوشدارگ ئِ ھاترا دعوت نامہ جاڑی کرتگ انت۔صدر مملکت ممنون حسین ئِ پارلیمنٹ ئِ یکجاھیں دیوان ئَ چہ اے پنچمی گوشتانک بیت۔ایشی ئَ چہ پیش ئَ راجی ساز گوشگ بیت،صدر مملکت ئِ گوشتانگ گوشدارگ ئَ پہ سلہ بندیں اُردو ئِ راھشون ،در ملکی سفارتکار‘ صوبائی سروزیر‘ گورنر ‘ آزات کشمیر ئِ صدرئُُ مزن وزیر ،گلگت بلتستان ئِ سر وزیر ئُُ گورنر ئِ ھوار دگہ مزن تکے مردمان دعوتی کارٹ جاڑی کرتگ انت وھدیکہ پارلیمنٹ گِس ئَ گاڈی آنی پترگ ھم حاصیں سٹیکر ئِ سرا بیت۔ صدر مملکت ئِ پارلیمنٹ ئِ یکجاھیں دیوان ئِ بنگیجی ئَ استیں بنجاہی اسمبلی ئِ پنچمی پارلیمانی سال بندات بیت۔

متعلقہ مضامینمصنف کی طرف سے مزید