بھارتی سفارت خانہ تون اوار کیہی درملکی سفارت خانہ غاتا کھڑکیک پنار
کابل۔ 31مئی (اے پی پی) اوغان دارالحکومت کابل اٹی جرمن سفارت خانہ نا خڑک کاربمب دھماکہ ٹی کم از کم 40 بندغ تپاخت و 60 آن زیات ٹھپی مسر۔ اوغان خبر رساں ادارہ نا رداٹ دارالحکومت کابل نا سفارتی علاقہ نا وزیر اکبر خان سٹریٹ اٹی کاربمب دھماکہ مس ہراٹی 40 بندغ موقع غا تپاخت وخت اس کہ 60 آن زیات ٹھپی مسر۔ کمامدارآتا کنڈآن ہندا دھماکہ ئِ اینخو سال انا غٹ آن شدید وڑنا دھماکہ گوندنگ انگ ئِ ۔ ٹھپی تے خڑک انا ہسپتال آ گدریفنگانے۔ دھماکہ نا سوب بھارتی سفارت خانہ تون اوار کیہی درملکی سفارت خانہ غاتا کھڑکیک پنار و کیہی ماڑی تے ہم نسخان رسینگا۔ دھماکہ غان پد کانود نافذ کروک آ ادارہ غاتا کارندہ غاک ڈپلومیٹک انکلیو ئِ محاصرہ ٹی ہلسا جاست وپاست نا بنائِ کرینو۔ دارالحکومت اٹی ایمرجنسی نافذ کننگانے۔ دھماکہ غان مرک آتیٹی ودکی نا اندیشہ ئِ۔
