اسلام آباد۔ 31مئی (اے پی پی) وزیراعظم محمد نواز شریف نا کماشی ٹی قومی سلامتی کمیٹی نا دیوان چارشنبے نا دے داڑے اڈ ہلک۔ وزیراعظم نا میڈیا آفس نا کنڈآن جاری بیان نا رداٹ دیوان اٹی وزیر دفاع خواجہ محمد آصف ، وزیر خزانہ اسحاق ڈار ، وزیر داخلہ چوہدری نثارعلی خان ، وزیراعظم نا سلاہکار خارجہ امور سرتاج عزیز ، وزیر ڈٹ بندی و شونداری احسن اقبال ، چیئرمین جوائنٹ چیفس آف اسٹاف کمیٹی جنرل زبیر محمود حیات ، چیف آف آرمی اسٹاف جنرل قمر جاوید باجوہ ، پاک بحریہ نا سروک ایڈمرل محمد ذکاءاللہ ، پاک فضائیہ نا سروک ایئر چیف مارشل سہیل امان، قومی سلامتی نا سلاہکار لیفٹیننٹ جنرل (ر) ناصر خان جنجوعہ ، ڈائریکٹر جنرل آئی ایس آئی نوید مختار، ڈائریکٹر جنرل ایف ڈبلیو اولیفٹیننٹ جنرل محمد افضل، وزیراعظم نا سیکرٹری و نیشنل سیکورٹی ڈویژن نا سیکرٹری دیوان اٹی شرکت کریر۔
