اسلام آباد۔ 31 مئی (اے پی پی) محکمہ موسمیات نا رداٹ بروک آ 24گھنٹہ ٹی مالاکنڈ، ہزارہ، مردان ، پشاور، کوہاٹ ، بنوں ، راولپنڈی ، گوجرانوالہ، سرگودھا، فیصل آباد، لاہور ڈویژن ، اسلام آباد ، بڑزکو فاٹا، گلگت بلتستان و کشمیر اٹی گڑاس ہند آتیا ترند تہو، ہورہ و گروک تون پِر انا گمان ئِ وخت اس کہ ملک انا ایلو علاقہ غاتیٹی موسم بھاز باسن سلک ۔ رپورٹ نا رداٹ گدرینگوک آ 24گھنٹہ ٹی ملک انا گیشتر علاقہ غاتیٹی موسم بھاز باسن و پِر کتہ نے ولے کشمیر، ہزارہ ، کوہاٹ ڈویژن و اسلام آباد اٹی گڑاس ہند آتیا ترند تہو و ہورہ وگروک تون پِرمس۔ غٹ آن زیات پِر مظفر آباد اٹی 14ملی میٹر، بالاکوٹ و کوہاٹ اٹی اسہ میٹر ریکارڈ کننگا۔
