اسلام آباد۔ 31مئی (اے پی پی) وزارت ڈٹ بندی و شونداری اینخو مالی سال انا سرکاری بشخ انا شونداری پروگرام اٹی کیڈ ڈویژن کن جم وڑاٹ داوخت اسکان 2 ارب 29 کروڑ 17 لکھ روپئی آن زیات نا فنڈ جاری کرینے۔ حکومت داڈویژن نا شونداری ڈٹ آتے کن 3ارب 56کروڑ روپئی آن زیات نا فنڈ جتا کرینے۔ پلاننگ کمیشن نا جاری کروک حساب وکتاب نا رداٹ حکومت اسلام آباد اٹی فیملی سویٹس نا جوڑ جاڑ کن 50 کروڑ روپئی، پاک سیکرٹریٹ اٹی مسیت نا اپ گریڈیشن کن 4 کروڑ روپئی، پمز اٹی بریسٹ کینسر سکریننگ سینٹر کن 6کروڑ روپئی، پمز ہسپتال اٹی ریڈیالوجی ڈیپارٹمنٹ آف چلڈرن ہسپتال کن پنچ کروڑ 97لکھ روپئی، ایف الیون ون ہوم اکنامکس کالج کن 14کروڑ 70 لکھ روپئی ، اسلام آباد اٹی سمارٹ اسکولز نا اڈ تننگ کن 14کروڑ روپئی ، اسلام آباد نا سکول نا اپ گریڈیشن و زیبائی کن وزیراعظم نا پروگرام کن اسہ ارب روپئی تون اوار چندی شونداری ڈٹ آتے کن فنڈ جاری کرینے۔
